ای ښايســته ســپينې کوتــرې
ســــــولـــې  نښـــــې بختـــــورې
بيــــا را والــــوزه آســــمان تــــه
ســـولـــه راوړه دې جهـــان تــــه
زمــوږ وران افغــانـستــان تـه
چـــې انســـان هلــــته زورېـــږي
هــر خـــوا ويــنې  دي  بهـېـــږي
دجنـګ اور هـر خـوا خـورېـږي
اور کې  وچ لامده ســــوزېــږي
ځوانـې هيلــې خــاورې کېــږي
پـــه سپــرلــي ګــلا ن رژېــــږي
ای ښايسـته سـپينې کــوتـــرې
ســـــولـــې نښــــــې بخـتـــورې
بيــا را والــــوزه آســمــان تــــــه

ماته مُلا ماته مي پير ويلي
ماته د ټول جهاد امير ويلي
د کتاب توري يي په ځير ويلي
هر څه يي زما له پټ ضمير ويلي
پر کلي کور باندي فرنګ راغلي
لښکر د کفر بيا په جنګ راغلي
وخت د غزا او د غورځنګ راغلي
زړو وسلو ته نوي شرنګ راغلي
وخت د جهاد او پاڅيدو راغلي
د جنګ ميدان ته د ورتلو راغلي
د سره کفن د اغوستو راغلي
د خپلو وينو تويېدو راغلي
د مدرسو څخه غازيان راوزي
تنکي زلمي او ماشومان راوزي
جنګ ته روان دي د اسلام پوځونه
کفن په غاړه شهيدان راوزي
د دين دښمن دي ورکوم درڅخه

سولې ته غږ کړئ افغانان دې غواړي
دا غم ځپلي انسانان دې غواړي
لاسونه لپه په خوله سوال چې لري
سر په سجده دي له رحمان دې غواړي
دا جنتي خلک د خداې پر ځمکه
حورې دې غواړي دا غلمان دې غواړي
جګړه مو بس ده مونږه امن غواړو
غوښتنه کاندي له جهان دې غواړي
تاته لیلا واي دا ستا مین دي
مجنون یې بولي لیونیان دې غواړي
ستا به پرې قدر له هر یو چا ډیر وي
سترګې په لار دي مینان دې غواړي
لکه الهام مو د وطن په زړه شه
درپسې ګرځي شاعران دې غواړي
زمونږ د زړه للمه بیخي وچه ده
زمونږه زړه لکه باران دې غواړي

د تور ټوپک هالو غړنه ها ککړه شپېلۍ
چې د اور په ها بد مرغه لوګي
له ډېره وخته وه زما او د ورور
د وینو تږې وه او موږ یې خوړو
ما او زما ورور بس دا دومره عمر
د یواو بل ها ډبرینې سینې
د دې شپېلۍ په مټ سورۍ سورۍ کړې
خاورې مو کړل
د پاک قرآن د ایاتونو توري
رانه زخمي زخمي شول
د الفباءنه ترانې جوړې مو
د خپل ماشوم په خوله کې وچې کړلې
خو اوس پښېمانه بو موږ
د تورټوپک هالوغړنه ها ککړه شپېلۍ
اوس موږ را اخستې ده سوري پکې کړو
دالفباء په قرآني تورویې
دمنځ لوګي او وینې څنګه مینځو