کابل (پژواک، ٤ کب ٩٣): د يوې نظر پوښتنې ډېرى پوښتل شوو له طالبانو سره د سولې له هڅو مشروط ملاتړ کړى، خو شل سلنه نورو يې په دې برخه کې د پاکستان هڅو ته د شک په سترګه کتلي او له له طالبانو سره د خبرو اترو مخالف دي.
د روان کال د تلې په مياشت کې په افغانستان کې د نوي حکومت په رامنځته کېدو سره د کابل او اسلام اباد اړيکې په داسې حال کې ښې شوې چې پاکستان په تېره يوه لسيزه کې د افغان دولت د وسله والو مخالفينو پر ملاتړ تورن و او د هغه هېواد پخواني ولسمشر هم په وروستيو کې منلې چې پاکستان د افغان دولت د کمزوري کولو په موخه د طالبانو ملاتړى و.